Sherbimet

SHËRBIMET

Fushat që mbulojmë

Këshillojmë dhe përfaqësojmë individë dhe biznese në fusha të ndryshme të së drejtës. Shërbimi përcaktohet sipas natyrës dhe nevojave të secilës çështje.

E drejta ekonomike dhe tregtare

Ofrojmë mbështetje juridike për themelimin, organizimin dhe veprimtarinë e bizneseve. Shërbimet përfshijnë hartimin dhe shqyrtimin e kontratave tregtare, rregullimin e marrëdhënieve ndërmjet ortakëve, këshillimin për detyrimet ligjore dhe përfaqësimin në konteste ekonomike e tregtare.

E drejta civile dhe kontraktore

Këshillojmë dhe përfaqësojmë klientët në çështje civile dhe marrëdhënie detyrimore. Hartojmë dhe shqyrtojmë kontrata, si dhe trajtojmë mosmarrëveshjet lidhur me përmbushjen, zgjidhjen dhe pasojat e mospërmbushjes së tyre.

E drejta familjare

Ofrojmë këshillim dhe përfaqësim në çështje të shkurorëzimit, përgjegjësisë prindërore, mbajtjes financiare, kontakteve me fëmijët dhe ndarjes së pasurisë së përbashkët bashkëshortore. Këto çështje i trajtojmë me ndjeshmëri dhe diskrecion, duke i kushtuar vëmendje të veçantë interesit më të mirë të fëmijës.

E drejta pronësore

Përfaqësojmë klientët në çështje që lidhen me pronësinë, posedimin, bashkëpronësinë, ndarjen e pasurisë, servitutet dhe kontestet mbi paluajtshmëritë. Ofrojmë mbështetje për shqyrtimin e dokumentacionit pronësor, transaksionet me paluajtshmëri dhe çështjet e shpronësimit

E drejta trashëgimore

Ofrojmë ndihmë juridike në procedura trashëgimore, ndarjen e pasurisë trashëgimore, çështjet që lidhen me testamentet dhe zgjidhjen e mosmarrëveshjeve ndërmjet trashëgimtarëve.

Kompensimi i dëmit dhe sigurimet

Këshillojmë dhe përfaqësojmë klientët në kërkesa për kompensimin e dëmit material dhe jomaterial nga aksidentet në komunikacion, lëndimet në punë dhe ngjarje të tjera që shkaktojnë dëm. Trajtojmë kërkesat ndaj kompanive të sigurimit dhe personave përgjegjës, përmes negociatave dhe procedurave gjyqësore.

E drejta penale

Ofrojmë mbrojtje dhe përfaqësim në të gjitha fazat e procedurës penale, nga veprimet fillestare hetimore deri te gjykimi dhe mjetet juridike. Përfaqësojmë të dyshuarit, të pandehurit dhe të dëmtuarit, duke u kujdesur për mbrojtjen e të drejtave të tyre procedurale.

E drejta administrative

Ofrojmë këshillim dhe përfaqësim në procedura administrative dhe konflikte administrative. Përgatisim kërkesa, ankesa dhe padi lidhur me vendimet dhe veprimet e organeve publike.

E drejta e punës

Mbështesim punëdhënësit dhe punëmarrësit në hartimin e kontratave të punës, akteve të brendshme dhe trajtimin e çështjeve disiplinore. Përfaqësojmë klientët në konteste për paga, ndërprerje të marrëdhënies së punës dhe të drejta të tjera nga puna.

E drejta e ndërtimit

Ofrojmë këshillim për kontratat e ndërtimit, marrëdhëniet ndërmjet investitorëve dhe kontraktuesve, dokumentacionin përkatës dhe mosmarrëveshjet që lindin gjatë realizimit të projekteve ndërtimore.

E drejta financiare dhe tatimore

Ofrojmë këshillim juridik për marrëdhëniet financiare, detyrimet kontraktore, kreditë dhe garancitë. Përfaqësojmë klientët në mosmarrëveshje financiare dhe procedura lidhur me detyrimet tatimore.

Procedura përmbarimore

Ofrojmë përfaqësim për realizimin e kërkesave përmes procedurës përmbarimore, si dhe për mbrojtjen e të drejtave të palëve përmes prapësimeve, ankesave dhe mjeteve të tjera juridike.

Pronësia intelektuale dhe e drejta e autorit

Këshillojmë klientët për mbrojtjen dhe përdorimin e veprave autoriale, markave tregtare dhe të drejtave të tjera të pronësisë intelektuale, përfshirë marrëveshjet e licencimit dhe kontestet për cenimin e këtyre të drejtave.
PUBLIKIME

Studimet tona të rasteve

Analiza juridike, komente mbi legjislacionin dhe materiale profesionale për çështje me rëndësi për individët dhe bizneset.

Materialet e publikuara kanë karakter informues. Për vlerësimin e një çështjeje konkrete, nevojitet këshillim juridik i individualizuar.

ins6

General Services

ins5

Criminal Issue

ins4

Accident Case

Na kontaktoni për çështjen tuaj juridike

Për këshillim ose caktimin e një takimi, na kontaktoni përmes telefonit ose formularit të kontaktit.

    Archives

    No archives to show.

    Categories

    • No categories

    Decision Are A Professional Attorney & Lawyers Services Provider Institutions. Suitable For Law Firm, Injury Law, Traffic Ticket Attorney, Legacy And More.

    Contact Info

    +(002) 0121-2843-661
    +(002) 0106-8710-594
    AR-Coder@arcoder.com
    Support@arcoder.com
    Menouf City , El-Menoufia, Egypt.
    Shibin El-Kom , El-Menoufia, Egypt.

    Follow Us

    Cart

    No products in the cart.